OMTALE SJOV: Linda Eide brukar alt ho har lært av fagfolk og lekfolk og gyv laus på det fascinerande, fantastiske, herlege og ytterst irriterande fenomenet som omgir oss tjuefiresju: Språket! Velkomen til ein vittig og underfundig språkleksjon, i ein beint fram hyggeleg og eksamensfri atmosfære.
OMTALE LINDA: Linda Eide har jobba som journalist og programleiar i nrk radio og fjernsyn i over tre tiår. Ho har mottatt ei rekke prisar for si formidling. Eide skriv også bøker og teaterframsyningar, og framfører sjølv det ho skriv. Sidan 2017 har ho fronta programmet Eides språksjov, og gjort språkopplæring til laurdagsunderhalding på NRK1.
LINDA FORTEL: Dette einmannssjovet framførte eg fyrste gong på herlege Ogna Scene i oktober 2023. Og eg visste jo at folk elskar elskar å le av språkleg kvardagskomikk, og det over ein låg sko. Men ikkje at folk elskar det så til dei grader! Ei sann glede å framføra.
