Her er eit utval av minnerike opplevingar frå jobbar og oppdrag i det aldeles frie kunstfeltet, nokså nyleg.
LINDA EIDE SPRÅKSJOV I XL-FORMAT
25. mars 2026 Forum Scene
Alle fotos: Oliander Taule
For andre år på rad tromma me saman til eit Språksjov i stor stil. Og me koste oss gløgg saman med åtte hundre løydhøyre og entusiastiske i salen og med Anna Magnus og Karoline Krüger som gjester på scena. Planen er å knalla til att neste år den 27.januar. Velkomen!
MUSIKK I TUSEN ÅR PÅ UNDER 100 MINUTTAR
19.MARS 2026 OLAVSHALLEN TRONDHEIM
Eit oppdrag der eg fekk dukka ned i norsk musikkhistorie, saman med Trondheim Symfoniorkester og Trondheim Vokal-ensemble. Kveldens dirigent var den fabelaktige Julie Røssland.
Fotos: Kjersti Østerås, TSO
Julie Røssland er rett og slett ei eineståande dirigentbegaving – frå Voss! Og det var grådig givande å jobba tett saman med både ho og program-koordinator i TSO, Birgit Hagerup Andersen. Birgit var den som spurte meg på vegner av orkesteret og som heldt i heile konserten til i ei kvar tid. Ein kolossal kapasitet. Takk for jobben!
VINTERFESTIVALEN 30 KM. KLASSISK
23.JANUAR 2026 NITTEDAL, KULTURVERKET FLAMMEN
Les patineurs. Skøyeløparvalsen med proffesjonelt amatørorkester!
Robert Schumann. Klaverkvartett i Ess-dur. Berit Cardas, Henninge Båtnes, Bjørg Lewis, Håvard Gimse
Berit Cardas og Bjørg Lewis frå Vertavokvarteten ordnar årlege festivalar med skyhøgt kunstnerisk nivå, og herleg låge skuldre. Hyllesten til dei fire S-ane vart ein konsert der all musikken kom frå komponistar som alle har etternamn som startar på S. Og det er forbløffande mange – og gode. Min rolle var konferansier, med blokkfløytefullmakt, og rett framfor nasa, der sat Kay Arne Stenshjemmet!. Ein annleis Klassisk skøytekveld, det vart det. Knallskoi. Takk til Berit Cardas & Co, og til den driftige Mariann Torsvik på Flammen.
FOLKEMUSIKALSK SPRÅKSJOV
AUGUST 2025, FØRDE INTERNASJONALE FOLKEMUSIKKFESTIVAL
Eit av høgdepunkta i 2025. Fjelltrall goes worldmusic på Førde Internasjonale musikkfestival
Uvanleg fargerike og fascinerande samtalar, for å seia det mildt!
Alle fotos Elin Høyland
LITTERÆR GJESTEKURATOR
BJØRNSONFESTIVALEN SEPTEMBER 2025
Gi JAZZ!
FULL KONTROLL PÅ BAKROMMET
FOSSE FOR DUMSKALLER. NESSET PRESTEGARD
MED MARIT EIKEMO OM LEVING OG SKRIVING
JANNE OG EIDE-SJOV
SERIØST MORSOMT - OG DET VART DET. KJARTAN FLØGSTAD!
DEN LITTERÆRE STEMMEPRØVEN. KJERSTI MJØR OG ANDERZ EIDE
Ei utfordrande oppgåva: Kuratèr seks programposter på Bjørnson-festivalen. Tenk fritt på tema, folk, innhald. Det vart til 5 knallkjekke dagar i Molde, i lag med kremfolk frå den øvste hylla.Takk til Johild Kosberg Bredin og Bjørnsonfestivalen for eit beint fram givande oppdrag.
SPRÅKSJOVET PÅ TURNÉ
VINTER 2025
Landsomfattande turné vinteren 2025, der me var både nord og sør, aust og vest. For det meste i større kulturhus, og kvar plass med ein lokal strålande gjest. Utruleg skoi, rett og slett!
LINDA EIDE SPRÅKSJOV LAIV – PREMIERE
29.JANUAR 2025 FORUM SCENE BERGEN
Full lagoppstilling, full sal og ørlite nerver ja. For etter årevis på fjernsyn på ein liten studioscene, var det enorm overgang til denen svære salen som tel 900 plassar og vel så det. Miss Tati var gjest, og professor emeritus, Gunnstein Akselberg, slo som vanleg til med bjøllekrans-solo på finalenummeret. Og det gjekk vel eigentleg over all forventning. God gammal folkeopplysning viste seg (som vanleg) å aldri vera feil.