Saman med pianist Sjur Hjeltnes, og musikalske gjester, gir Linda Eide oss jazzhistoria fortalt gjennom jazzens mange utrykk og begrep. Dixieland, tradjazz, rag, shuffle, blues, fusion bebop. Ja, kven kom eigentleg med bebopen? Og kva skjedde med swingen då? Og når vart saxofonen til Djevelens horn? Kvifor sjokkerte Billie Holliday alle då ho song strange fruit? Og kva skjedde med geniet Jan Johanson etter Jazz på Svenska?
Gi jazz vart tinga til Vossa Jazz i 2023. Musikalske gjester då var Kåre Opheim, Berit opheim og Halvor Folgerø.
Gi jazz kan framførast av Linda Eide og Sjur Hjeltnes åleine. Eller dei kan ha med ein eller fleire musikalske gjester som er med på ulike nummer.
Dette er ein historietime det svingar av, både musikalsk og verbalt.
Grovtredigert miniutdrag frå Gi jazz! – Vossa Jazz 2023. Kamera lengst bak i salen, men går fint an å sjå og høyra!
MUSIKKLIVET NRK P2 15.04.2023 OM FRAMSYNINGA OG INTERVJU
OMTALE LINDA EIDE
Linda Eide har jobba som journalist og programleiar i nrk radio og fjernsyn i over tre tiår. Ho har mottatt ei rekke prisar for si formidling. Eide skriv også bøker og teaterframsyningar, og framfører sjølv det ho skriv. Frå 2017 til 2023 fronta ho programmet Eides språksjov, og gjorde språkopplæring til laurdagsunderhalding på NRK1. I programmet var miksen språk og musikk eitt av dei viktigste elementa. Og sjølv om Linda sverger til blokkfløyte, juksar ho litt i saxofonfaget og har oppdaga 80-talets fantastiske instrument: Wind synth!.